நீதானே என் பொன் வசந்தம்… பட ரிலீசுக்கு முன்பே முக்கிய காட்சிகள் வெளியீடு!

நீதானே என் பொன்வசந்தம் படம் வெளியாகும் முன்பே அந்தப் படத்தின் முக்கிய காட்சிகளை யு ட்யூப் மற்றும் தொலைக்காட்சி மூலம் வெளியிடத் திட்டமிட்டுள்ளனர்.

படம் குறித்து ரசிகர்கள் மனதில் பதிய வைக்க இந்த உத்தியைப் பயன்படுத்தப் போகிறார்களாம்.
இந்தப் படம் வரும் டிசம்பர் 14-ம் தேதி வெளியாகிறது. அன்றைய தினம் இரண்டாவது காதலர் தினம் என்று இளைஞர்கள் கொண்டாடும் அளவுக்கு சிறப்பாக வெளியிடவிருக்கிறார்களாம்.

கொஞ்சம் புதுமையாக, படமாக்கப்பட்டு, படத்தில் இடம் பெறாத சுவாரஸ்யமான சில காட்சிகளை இணையதளம், தொலைகாட்சி மற்றும் திரையரங்குகளில் முன்கூட்டியே வெளியிடப் போகிறார்களாம்.

‘இப்படத்தின் காதலர்கள் நித்யா மற்றும் வருணின் 30 வருட காதல் பயணத்தில் பல்லாயிரக்கணக்கான மறக்கமுடியாட தருணங்கள் உள்ளன. அவை அனைத்தையும் 2 மணி நேர படத்தில் பதிவு செய்ய முடியாது என்பதனால் இந்த முடிவு,” என்கிறார் இயக்குனர் கவுதம் வாசுதேவ மேனன்

தமிழ் சினிமாவில் இதற்கு முன் யாரும் முயற்சிக்காதது இது என்கிறார்கள் நீஎபொ படக்குழுவினர்.

பப்ளிசிட்டிதானே… பண்ணுங்க பண்ணுங்க.. படம் வெளியாகும்போது பாத்துக்குவோம்!