திருப்பதி கோவிலில் கணவருடன் ஜெனிலியா தரிசனம்

நடிகை ஜெனிலியா கணவர் ரிதேஷ் தேஷ்முக்குடன் திருப்பதி கோவிலுக்கு வந்தார். அங்கு முக்கிய பிரமுகர்களுக்கான தரிசன பாதையில் சென்று பயபக்தியுடன் சாமி கும்பிட்டார்.

ஜெனிலியாவுக்கு கோவில் நிர்வாகம் சார்பில் வரவேற்பு அளிக்கப்பட்டது. லட்டு பிரசாதங்கள் வழங்கி சிறப்பு மரியாதையும் செய்தனர். சாமி கும்பிட்டு விட்டு வெளியே வந்த ஜெனிலியாவை காண ரசிகர்கள் திரண்டனர். ஆட்டோகிராப்பும் வாங்கினர்.

பின்னர் ஜெனிலியா நிருபர்களிடம் கூறும்போது திருப்பதி ஏழுமலையானை தரிசித்தது ஆனந்தத்தையும் மனதுக்கு நிறைவையும் கொடுக்கிறது என்றார்.