சின்னத்திருப்பதியில் பங்குனி உத்திரப் பெருவிழா: சுவாமிகளுக்கு திருக்கல்யாணம் நடைபெற்றது

ஓமலூரை அடுத்த பிரசன்ன வெங்கட்டரமண கோவில் பங்குனி உத்திரப் பெருவிழாவை முன்னிட்டு சுவாமி பெருமாள் தாயார் சேர்த்தி திருமஞ்சனம், திருக்கல்யாணம் மற்றும் உற்சவம் நடைபெற்றது.

இதில் ஸ்ரீ பிரசன்ன வெங்கட்டரமண சுவாமிக்கும் அலர்மேல் மங்கை சுவாமிகளுக்கு திருக்கல்யாணம் நடைபெற்றது. இதில் ஆயிரத்திற்கும் அதிகமான பக்தர்கள் திருக்கல்யாணத்தில் கலந்து கொண்டு சுவாமி தரிசனம் பெற்றனர்.

பக்தர்களுக்கு பிரசாதம் மற்றும் அன்ன தானம் வழங்கப்பட்டது. மேலும் மேட்டூர் கோட்டாட்சியர் சூரிய பிரகாஷ், ஓமலூர் தாசில்தார் பாலசுப்பிரமணியம், ஆகியோர் குடும்பத்துடன் கலந்து கொண்டனர். செயல் அலுவலர் ராஜா, உற்சவ உபயதாரர்கள் சித்தக்கண்டர், பி.எஸ்.கே.மணி, செந்தாமரை ராமானுஜம், சுந்தரராஜ ராமானுஜம், வெங்கடாசலம், ரங்கநாத ராமானுஜம், பாலகிருஷ்ண ராமானுஜம், ஜெயலட்சுமி பொறியியல் கல்லு£ரி பி.ஆர்.ஓ மணிவண்ணன், தனபால், ஊராட்சி மன்ற தலைவர் சாந்தி நைனாகுமார், வெங்கடேஷ்வரா சாரி டிரஷ்ட் உறுப்பினர்கள் ஆகியோர் கலந்து கொண்டு சுவாமி தரிசனம் செய்தனர்.

இதன் ஏற்பாடுகளை பிரசன்ன வெங்கட்ரமண சுவாமி பக்த சபா ஒருங்கிணைப்பாளர் ஸ்ரீதர் ராமானுஜ தாசன் மற்றும் கோவில் நிர்வாகம் செய்திருந்தனர்.