தெலுங்கில் கவனம் செலுத்த ராதா முடிவு

மாஜி ஹீரோயின் ராதாவின் மகள் துளசி. மணிரத்னத்தில் கடல் படத்தில் அறிமுகமானார். கடல் படம் சரியாக போகாததில் ராதாவுக்கு பெரிய வருத்தம். அதோடு தெலுங்கு மீடியாக்கள் துளசியை புகழ்ந்து தள்ளியது. ஆனால் தமிழ் மீடியாக்கள் துளசிக்கு நடிப்பு சரியாக வரவில்லை. வயதுக்கு மீறிய உடல்வாகு. அம்மா ராதா போன்று அழகாக இல்லை என்று ஏகத்துக்கு விமர்சனங்களை கிளப்ப தமிழ் மீடியாக்கள் மீது வருத்தத்தில் இருக்கிறார் ராதா. இதனால் அடுத்த படம் துளசிக்கு தெலுங்குதான் என்று முடிவு செய்து விட்டார். தெலுங்கின் முன்னணி இயக்குனர்களான எஸ்.எஸ்.ராஜமவுலி. கிரிஷ், பாஸ்கர் ஆகியோரிடம் மகளுக்கு நல்ல கதை தயார் செய்யும்படி கூறியிருக்கிறார். இன்னும் சில இயக்குனர்களிடம் கதை கேட்டுக் கொண்டிருக்கிறார். நல்ல கதையும், இயக்குனரும் அமைந்தால் சம்பளம் பெறாமலேயே மகளை நடிக்க வைக்கவும் முடிவு செய்திருக்கிறார்.