பெருச்சாளியில் மோகன்லால்

img1130218040_1_1படிக்க கொஞ்சம் கஷ்டமாக இருக்கிறது இல்லையா? நண்பன் விஜய்ங்கிற மாதிரி பெருச்சாளி மோகன்லால் என்று எழுதுவது இன்னும் மோசமாக இருக்கும் என்பதால்தான், பெருச்சாளியில் மோகன்லால்.

அச்சமுண்டு அச்சமுண்டு படத்தை இயக்கிய அருண் வைத்தியநாதனின் அடுத்தப் படத்தின் பெயர் பெருச்சாளி. சிறுவர்களுக்கு நேரும் பாலியல் கொடுமையை த்ரில்லிங்காக அச்சமுண்டு அச்சமுண்டு படத்தில் சொன்னவர் என்பதால் இந்தப் பெருச்சாளி டைட்டிலை காரணமாகதான் வைத்திருப்பார். இந்தப் படத்தில் மோகன்லால் நடிக்கிறார்.

மோகன்லால் தமிழில் நடித்த இருவர், பாப்கார்ன் படங்கள் சரியாகப் போகவில்லை. இருவராவது பரவாயில்லை. பாப்கார்ன் பக்கா ப்ளாப். இதனால் தமிழ் என்றாலே ஒவ்வாமையுடன் இருந்தவரை கமல் உன்னைப்போல் ஒருவனுக்காக அழைத்து வந்தார். படம் நல்ல பெயரை சம்பாதித்து தந்தது.

மோகன்லாலின் தமிழ் ஒவ்வாமை சற்று மட்டுப்பட்டிருக்கிறது. விஜய்யுடன் ஜில்லாவில் நடிக்க ஒப்புக் கொண்டிருப்பவர் இப்போது பெருச்சாளியில் கமிட்டாகியிருக்கிறார். அச்சமுண்டு போலவே இந்தப் படமும் முழுக்க அமெரிக்காவில் தயாராகிறது.

அமெரிக்க பெருச்சாளி?