விஜய்யுடன் இணையும் மோகன்லால்

துப்பாக்கி திரைப்படத்தை தொடர்ந்து தற்போது மேலும் ஒரு மலையாள நடிகர் விஜய்யுடன் கைகோர்க்க உள்ளார். துப்பாக்கி திரைப்படத்தில் மலையாள நடிகர் ஜெயராம், விஜய்யுடன் இணைந்து நடித்திருந்தார். தற்போது அந்த வரிசையில் மலையாள சூப்பர் ஸ்டார் மோகன்லால் இணைய இருக்கிறார். விஜய்-மோகன்லால் இணைந்து நடிப்பதற்கான கதை தயாராகியுள்ளதாக கூறப்படுகிறது. இருவரும் கதையை கேட்டு சம்மதம் தெரிவித்துவிட்டார்களாம். எனவே இதற்கான அதிகாரப்பூர்வ அறிவிப்பு விரைவில் வெளியாகலாம் என எதிர்பார்க்கப்படுகிறது. மோகன்லால் ஏற்கனவே 'இருவர்', 'உன்னைப் போல் ஒருவன்' போன்ற தமிழிப் படங்களில் நடித்துள்ளார் என்பது குறிப்பிடத்தக்கது.