ஏஜிஎஸ் நிறுவனத்துடன் இணைந்தார் ஜெய்!

பெரிய இயக்குனர்களை, ஹீரோக்களை வைத்து பெரிய படங்கள் தயாரித்த ஏஜிஎஸ் எண்டர்டயின்மெண்ட் நிறுவனம். அதனால் பல கோடிகள் இழப்பை சந்தித்தது. கடைசியாக அந்த நிறுவனம் தயாரித்த மாற்றான் படம் மிகப்பெரிய ஏமாற்றத்தைக் கொடுத்தது. அதனால் இப்போது அறிமுக இயக்குனர்களை கொண்டு இளம் ஹீரோக்களை வைத்து படம் தயாரிக்க முன்வந்திருக்கிறது.

இந்த நிறுவனத்தின் 14வது படத்தை இயக்குபவர் கே.சந்துரு. படத்துக்கு இன்னும் பெயர் வைக்கவில்லை. ஜெய் ஹீரோவாக நடிக்கிறார். ஜே.ஆனந்த் ஒளிப்பதிவு செய்கிறார், பிரேம் குமார் இசை அமைக்கிறார், நிவேதா தாமஸ் ஹீரோயின் அனைவரும் புதுமுகங்கள். சத்யனும், வி.டி.வி கணேசும் காமெடியன்கள்.

படத்தின் பூஜை ஏஜிஎஸ் அலுவலகத்திலேயே எளிமையாக நடந்தது. “திறமையான புதுமுக இயக்குனர்களுக்கும், கலைஞர்களுக்கும் ஏஜிஎஸ் தொடர்ந்து ஆதரவளிக்கும். அதே நேரத்தில் பிரமாண்ட படங்களையும் தயாரிப்போம்.” என்றார் ஏஜிஎஸ் சேர்மன் கல்பாத்தி எஸ்.அகோரம்.