அழைத்தார் கவுதம் இணைந்தார் ஹாரிஸ்

கவுதம்மேனன்
இயக்கி வரும் ‘நீதானே என் பொன் வசந்தம்’ படத்தின் இசையமைப்பாளர் யார்?
கடந்த சில வாரங்களுக்கு முன்புவரை இசைப்புயல் ஏ.ஆர்.ரஹ்மான்தான் என்று
விளம்பரங்களில் அறிவித்து வந்த கவுதம் சிறிது நாட்களாக கப்சிப். ஏன்?
கவுதமுக்கு அனுப்பிய மெயிலில் ‘தன்னால் இந்த படத்தில் பணியாற்ற முடியாது’
என்று செய்தி அனுப்பி விட்டாராம் இசைப்புயல்.

ரஹ்மானை மிக சரியாக நிரப்பக்கூடிய இடத்தில் இருக்கிற ஒரே இசையமைப்பாளர்
இன்றைய தேதிக்கு ஹாரிஸ் ஜெயராஜ்தான் என்பதால் தனது பழைய கோபத்தையெல்லாம்
கட்டி பரணில் எறிந்திருக்கிறார் கவுதம் மேனன்.



சில வாரங்களுக்கு முன்பு நடந்த தனது மகனின் பிறந்த நாளுக்கு மிக மிக
ஸ்பெஷலாக அழைக்கப்பட்டிருந்தார் ஹாரிஸ். அங்கு ஏக தட புடலாக
வரவேற்கப்பட்டார் அவர். ‘நீதானே என் பொன் வசந்தம்’ படத்தை உங்கள்
பொறுப்பில் விட்டுவிட்டேன். இசையமைத்து தர வேண்டியது உங்கள் பொறுப்பு என்று
உரிமையோடு கேட்டுக் கொண்டாராம் கவுதம்.

இருவரும் இணைந்து காதுக்கு தேன் வசந்தம் தருவார்கள் என்பதில் மட்டும் சந்தேகமே இருக்கப் போவதில்லை.