கேடியை குடும்பத்தோடு பார்க்கலாம்

பாண்டிரா‌ஜின் கேடி பில்லா கில்லாடி ரங்கா வரும் 29ஆம் தேதி வெளியாகிறது. இந்தப் படத்துக்கு சென்சார் யு சான்றிதழ் வழங்கியுள்ளது.

மெ‌ரினாவுக்குப் பிறகு பாண்டிரா‌ஜ் தான் அறிமுகப்படுத்திய விமல், சிவ கார்த்திகேயன் இருவரையும் வைத்து கேடி பில்லா கில்லாடி ரங்காவை தொடங்கினார். விமலுக்கு பிந்து மாதவியும், சிவ கார்த்திகேயனுக்கு ரெ‌ஜினாவும் ஜோடி. இசை யுவன் ஷங்கர் ராஜா. ரொமான்டிக் காமெடியான இதனை ஸ்டுடியோ கி‌‌ரீன் வாங்கி வெளியிடுகிறது.

மார்ச் 29 சரத்குமா‌ரின் சென்னையில் ஒரு நாள் படத்துடன் வெளியாகும் இதற்கு அனைவரும் பார்க்கத் தகுந்த யு சான்றிதழ் வழங்கப்பட்டுள்ளது. இதையடுத்து படத்தின் விளம்பரங்களை முடுக்கிவிட்டுள்ளது ஸ்டுடியோ கி‌ரீன்.