விஸ்வரூபம்: வீட்டில் குடும்பத்தோடு இணைந்து பார்த்த ரஜினி

விஸ்வரூபம் திரைப்படத்தை நடிகர் ரஜினிகாந்த் வீட்டில் தனது குடும்பத்தினருடன் இணைந்து பார்த்து மகிழ்ந்தார்.

பல்வேறு தடைகளைத் தாண்டி விஸ்வரூபம் திரைப்படம் இன்று தமிழகம் முழுவதும் வெளியிடப்பட்டது. திரையரங்குகள் முன்பு அதிகாலை இருந்து காத்திருந்த ரசிகர்கள் படம் பார்த்து ரசித்தனர். இதனிடையே விஸ்வரூபம் திரைப்படத்தை நடிகர் ரஜினிகாந்த் வீட்டில் தனது குடும்பத்தினருடன் இணைந்து கண்டு மகிழ்ந்தார். அப்போது அவர் விஸ்வரூபம் படமாக்கப்பட்ட விதத்தையும், கமல் ஹாசனின் நடிப்பையும் வெகுவாகப் பாராட்டினார்.

இந்த நிலையில், நேற்றிரவு திரையுலகினருக்காக படத்தைப் போட்டுக் காட்டினார் கமல்ஹாசன். இதில் கமலுடன் சேர்ந்து திரையுலகமே திரண்டு வந்து படம் பார்த்தது.