வெங்கட்பிரவுடன் மீண்டும் இணைகிறார் தல?!

சினிமாத் தனத்தையே கிண்டல் செய்து சினிமா எடுத்து ஜெயித்துக் கொண்டிருக்கும் வெங்கட்பிரபுவின் படங்கள் எல்லாமே ரசிகர்கள் மத்தியில் பெரும் வரவேற்பைப் பெற்றன. அதிலும், தல அஜீத்துடன் இணைந்து வெளியான மங்காத்தா படம் செம ஹிட்.

ரொமான்டிக் மற்றும் ஆக்சன் படங்களில் நடித்து வந்த அஜீத்தை மங்காத்தா படத்தில் காமெடியும் செய்ய வைத்து வேறொரு கோணத்தில் காட்டினார் வெங்கட்பிரபு. அஜீத்திற்காகவும், வெங்கட்பிரபுவின் கதை அமைப்பிற்காகவும் சக்கைப்போடு போட்ட மங்காத்தா, 2011ம் ஆண்டின் ஹிட் படமாகும்.

எதற்காக இதையெல்லாம் இப்போது நினைவுபடுத்துகிறீர்கள் என்று நீங்கள் கேட்பது புரிகிறது. ஆம், 2012ம் ஆண்டுக்கான ஹிட் படத்தை தயாரிப்பதற்கான பிள்ளையார் சுழி போடப்பட்டுள்ளதாம். அதாவது, அஜீத்தை ரொம்ப நாள் கழித்து சந்தித்த வெங்கட்பிரபு, இன்னொரு மங்காத்தா நாட்கள் வராதா என்று ஏங்குகிறேன் என அஜீத்திடம் கூற, ஏன் விரைவில் நாம் இணையலாம் என்று நம்பிக்கை சொன்னாராம் தல. விரைவில் நாங்கள் இணைவோம் என்று வெங்கட்பிரபு தனது பிளாகில் கூறியுள்ளார். அப்புறம் என்ன, தலக்காகவே ஒரு கதையை தயார் பண்ண கிளம்பிவிட்டார் வெங்கட்பிரபு.

தற்போது அஜீத் பில்லா - 2 படத்தில் பிசியாக உள்ளார். இப்படத்தை முடித்து மே 1 (அஜீத் பிறந்த நாள்) அன்று வெளியிட திட்டமிடப்பட்டுள்ளது. அதேப்போல, சூர்யாவுடன் ஒரு படம் இணைந்து பணியாற்ற உள்ளார் வெங்கட்பிரபு. இரண்டு படங்களும் முடிந்ததும் தல-வெங்கட்பிரபு இணைந்து பணியாற்ற உள்ளனர்.

தல ரசிகர்களுக்கு 2012ம் ஆண்டும் நிச்சயம் வெற்றித் திருவிழா ஆண்டாகவே அமையும் என்கிறது நமது ஆரூடம்.