நடிகை ரக்சிதா அரசியலில் நுழைகிறார்

தமிழில் நடிகர் விஜய் நடித்த மதுர படத்தில் அவருக்கு நோடியாக நடித்த ரக்சிதாவை அவ்வளவு சீக்கிரம் யாரும் மறந்திருக்க மாட்டார்கள். அதன் பிறகு தம் படத்தில் நடித்து காணாமல் போனவர், கன்னட இயக்குநர் பிரேமை கல்யாணம் செய்து கொண்டு சினிமாவில் இருந்து விலகினார்.

தற்போது மீண்டும் வெளிச்சத்திற்கு வர இருப்பதாக அறிவிப்பினை வெளியிட்டுள்ளார். ஆம் ஆடிய காலும், பாடிய வாயும் சும்மா இருக்காதே என்று நாம் நினைத்தால் அது தவறு. அவர் சினிமாவிற்கு திரும்பி வரப்போவதில்லை. அரசியலில் குதிக்கப் போகிறாராம்.

கர்நாடகாவில் பி.எஸ்.ஆர். கட்சியில் இணையப் போவதாக அவர் செய்தியாளர்களிடம் அறிவித்துள்ளார். ஒரு சுயேட்டை எம்எல்ஏவின் கட்சி இது என்பது குறிப்பிடத்தக்கது.