கிரைம் த்ரில்லராக உருவாகும் பிஸ்ஸா

பெயர்தான் ஏதோ ஜங்க் புட் பெயர் போல இருந்தாலும், படம் பயங்கரமான கிரைம் த்ரில்லராக வெளி வர உள்ளது என்று திருக்குமரன் என்டர்டெய்ன்மென்ட் தயாரிக்கும் பிஸ்ஸா படத்தைப் பற்றி தயாரிப்பாளர் சிவி. குமார் கூறியுள்ளார்.

இந்நிறுவனம் தற்போது தயாரித்து வரும் அட்டக்கத்தி படத்தின் தயாரிப்புப் பணிகள் அனைத்தும் முடிவடைந்து திட்டமிட்டதற்கு முன்பே வெளியிட தயாராக உள்ளது.

ஒரு படம் வெளியாவதற்குள் அடுத்த படத்திற்கான பணிகளை துவக்கிவிட்டது இந்நிறுவனம். அடுத்த படத்திற்கு பிஸ்ஸா என்று பெயரிட்டுள்ளனர். மலையாள நடிகை ரம்யா இப்படத்தில் கதாநாயகியாக நடிக்கிறார். படத்தின் கதையை எழுதி இயகக்குவது கார்த்திக் சுப்புராஜ்.

தமிழ் சினிமாவிலேயே இதுவரை எடுக்கப்படாத முற்றிலும் மாறுபட்ட படமாக பிஸ்ஸா இருக்கும். பிஸ்ஸாவின் திரைக்கதை தான் படத்தின் பலம். நாவலைப் போன்று கதை அமைந்திருக்கும். இந்த மாத இறுதியில் படப்பிடிப்பு துவங்க உள்ளது என்று படத்தின் இயக்குநர் கார்த்திக் கூறுகிறார்.