இன்று வெளிவரும் படங்கள்

புதிய கதையுடன் கழுகு, வின்மீண்கள் படமும், சிவாஜி நடித்த கர்ணன் டிஜிட்டல் திரைப்படமும் இன்று வெளியிடப்படும் படங்கள்கும். அந்த வகையில் தமிழ் திரைப்பட ரசிகர்களுக்கு நல்ல விருந்தாக இருக்கும் இந்த வாரம்.

கழுகு படம் ஏற்கனவே படப்பிடிப்பு முடிந்து திரையிடக் காத்திருந்த படம். பலரது எதிர்பார்ப்புகளை உண்டாக்கிய இப்படம், கொடைக்கானலில் சூசைட் பாயின்ட் பகுதியில் தற்கொலை செய்து கொள்வோரின் உடல்களை மீட்கும் குழுவினரை மையமாக வைத்தக் கதையாகும்.

விண்மீண்கள் படம், காதலர்கள் திருமணம் செய்து கொண்டு மாற்றுத்திறனாளி குழந்தையை பெற்றெடுப்பதை மையமாகக் கொண்ட கதையாகும். இது தாரே ஜமீன் பர் படத்தின் கதையைக் கொண்டதாகும். விஷ்வா, ஷிகா, ராஹுல், அனுஜா ஐயர் உள்ளிட்டோர் இப்படத்தில் நடித்துள்ளனர்.

கர்ணன்.. இந்த படத்திற்கு எந்த அறிமுகம் வேண்டாம். மகாபாரதத்தில் வரும் கர்ணன் கதாபாத்திரத்தை மையமாகக் கொண்டு எடுக்கப்பட்ட அந்த காலத்து திரைப்படம். இதனை டிஜிட்டல் தொழில்நுட்பத்தில் உருமாற்றி மீண்டும் பெரிய திரையில் இன்று வெளியாகிறது. நிச்சயம் இதுபோன்ற படங்களுக்கு தமிழ் ரசிகர்கள் வரவேற்பு அளிப்பார்கள் என்று எதிர்பார்க்கப்படுகிறது.

இந்த படங்கள் எந்த அளவிற்கு தமிழ் ரசிகர்களை கவர்ந்தது என்றும், வெற்றி நிலவரம் குறித்தும் அடுத்த வாரம் பார்க்கலாம்.