இன்று நான்கு படங்கள்

வெள்ளிக்கிழமை நான்கு படங்களாவது ‌ரிலீஸாகிவிடுகிறது. சென்ற வாரம் மாற்றான் சூறாவளி மையம் கொண்டதால் வேறு படங்கள் ஒதுங்கிக் கொண்டன. இந்த வாரம் எல்லோருக்குமே கொஞ்சம் தை‌ரியம்தான்.

அமிர்தயோகம், கோயம்பேடு பேருந்து நிலையம் என்று இரு படங்கள். இப்போதுதான் இந்த பெயர்களை ரசிகர்கள் கேட்கிறார்கள். ரசிகனை தியேட்டருக்கு ஈர்க்கும் எந்த முகமும், பெயரும் இல்லை. படத்தின் மேக்கிங் பேசினாலொழிய இவற்றிற்கு மோட்சமில்லை.

இன்னொன்று பேரரசு‌வின் திருத்தணி. ஒருநாளைக்கு இரண்டு இன்ச் என்று நகர்ந்திருந்தால்கூட இந்தப் படம் தொடங்கி வெளிவரும் நேரத்தில் சென்னையில் இருந்து திருத்தணிக்கு சென்றிருக்கலாம். பரத் ஹீரோ. வசனம், இயக்கம், பாடல்கள் என்று ரவுண்ட் கட்டும் பேரரசு இதில் கூடுதாலா இசையமைத்து இம்சையின் அளவை அதிக‌ரித்திருக்கிறார் (ஆமாம், ரா‌ஜ்கிரண் போட்ட வழக்கு என்னாச்சு?).

இன்றைய தினத்தின் ஒரே எதிர்பார்ப்பு பீட்சா. ட்ரெய்லரே கலக்கியது என்பதால் ஒருவித ஆர்வம் எல்லோ‌ரிடமும் காணப்படுகிறது. கார்த்திக் சுப்புரா‌ஜ் - இவர்தான் இயக்குனர் - ஏமாற்ற மாட்டார் என்று நம்புவோம்.
பீட்சா, திருத்தணி, பேரரசு