விருதுகளை குவித்த தெய்வத்திருமகள்

ஜப்பானில் நடைபெற்ற கிராண்ட் பிரிக்ஸ் விருது விழாவில் மிகச் சிறந்த திரைப்படத்திற்கான விருதையும், மிகச் சிறந்த பொழுதுபோக்கு படத்திற்கான விருதையும் சீயான் விக்ரம் நடித்த தெய்வத் திருமகள் திரைப்படம் வென்றுள்ளது.

சுமார் 10 நாடுகளைச் சேர்ந்த 10 மொழித் திரைப்படங்கள் இந்த திரைப்பட விருது விழாவில் திரையிடப்பட்டன. படத்தைப் பார்த்த தேர்வுக் குழுவினருக்கு, அனைத்து படங்களும், ஆங்கில சப் டைட்டில்களுடன் ஆங்கிலப் பெயரில் திரையிடப்பட்டது. நமது தெய்வத் திருமகள், காட்ஸ் ஓன் சைல்ட் என்ற பெயரில் திரையிடப்பட்டது.

தேர்வாளர்களின் அதிகப் புள்ளிகளைப் பெற்று நமது தெய்வத் திருமகள் படம் சிறந்த படத்திற்கான விருதை வென்றுள்ளது தமிழ் ரசிகர்களுக்கு மகிழ்ச்சியை அளித்துள்ளது.

இத்திரைப்பட விழாவில் நடிகர் விக்ரமும், படத்தின் இயக்குநர் ஏ.எல். விஜயும் கலந்து கொண்டு விருதுகளை பெற்றுக் கொண்டனர். இவ்விரண்டு விருதுகளோடு சேர்த்து தெய்வத் திருமகள் திரைப்படம் இதுவரை 4 விருதுகளை வென்றுள்ளது குறிப்பிடத்தக்கது.