அல்போன்சா ஜாமீன்மனு நிராகரிப்பு

தனது காதலன் தற்கொலைக்கு காரணம் என்று கருதப்படும் நடிகை அல்போன்சாவின் முன் ஜாமீன் மனுவை சென்னை உயர் நீதிமன்றம் தள்ளுபடி செய்துள்ளது.

விருகம்பாக்கத்தில் நடிகை அல்போன்சாவுடன் தங்கியிருந்த அவரது காதலன் வினோத் குமார் தற்கொலை செய்து கொண்டார். அவரைத் தொடர்ந்து அல்போன்சாவும் தற்கொலை முயற்சி செய்து காப்பாற்றப்பட்டார்.

இந்த நிலையில், வினோத் குமார் சாவிற்கு அல்போன்சாவிற்கும், அவரது தம்பிகளுக்கும் தொடர்பிருப்பதாகக் கூறி வினோத் குமாரின் பெற்றோர் புகார் அளித்துள்ளனர்.

இது குறித்து விசாரணை நடத்தி வரும் காவல்துறையினர், இன்னும் அல்போன்சாவிடம் விசாரணை நடத்தவில்லை என்பதால் அவரது முன் ஜாமீன் மனுவை தள்ளுபடி செய்வதாக நீதிபதி தனது உத்தரவில் கூறியுள்ளார்.