சினிமாவுக்கு முடிவே கிடையாது!

திரிஷாவிற்கு விரைவில் திருமணம் நடக்கவுள்ளது, தெலுங்கு நடிகரை காதலிக்கிறார் என்றெல்லாம் சமீபகாலமாக கிசுகிசுக்கள் வந்த வண்ணம் உள்ளது. இந்நிலையில் தெலுங்கில் ஜூனியர் என்டிஆருடன் தம்மு என்ற படத்தில் நடித்து வந்தார் திரிஷா.

இப்படத்தின் கடைசி நாள் படப்பிடிப்பு ஐதராபாத்தில் சமீபத்தில் நடந்தது. இதன் இறுதி நாளையொட்டி பட குழுவினர் கொடுத்த பிரியாவிடை பார்ட்டியில் திரிஷா கல்நதுகொண்டு கண்கலங்கினார்.

இதுபற்றி அவர் கூறும்போது, கடைசிநாள் படப்பிடிப்பில் பிரியாவிடை பார்ட்டி கொடுத்தபோது பட யூனிட்டை பிரியப் போகிறோமே என்று மனதுக்கு வருத்தமாக இருந்தது. இதன் படப்பிடிப்பு அவ்வளவு மகிழ்ச்சியாக நடந்தது.

எந்த படத்தில் நடித்தாலும் கடைசிநாள் படப்பிடிப்பு என்றால் என் இதயம் கனத்துவிடும். யாரிடமிருந்தும் பிரியாவிடை பெறுவதை நான் விரும்புவதில்லை. காரணம் சினிமாவுக்கு முடிவே கிடையாது என்றார்.