இசையமைப்பாளர் யுவன் சங்கர் ராஜா தயாரிப்பில் அஜீத் குமார்

நடிகர் அஜீத் குமார், இசையமைப்பாளர் யுவன் சங்கர் ராஜா பேனரில் அடுத்து நடிக்க இருப்பதாக தகவல்கள் வெளியாகி உள்ளன. இயக்குனர் செல்வராகவன், ஒளிப்பதிவாளர் அரவிந்த் கிருஷ்ணா மற்றும் யுவன் சங்கர் ராஜா ஆகிய மூவரும இணைந்து கடந்த சில ஆண்டுகளுக்கு முன்பு ஒயிட் எலபேன்ட் என்ற திரைப்பட தயாரிப்பு நிறுவனம் ஒன்றை தொடங்கினர். பின்னர் பல்வேறு காரணங்களால் அந்த நிறுவனம் சார்பாக ஒரு படம் கூட தயாரிக்காமல் பெயர் அளவிலேயே இருந்தது. இதனிடையே மங்காத்தா வெற்றிக்கு பிறகு அஜீத் குமாருடன் மீண்டும் இணைய போவதாக இயக்குனர் வெங்கட் பிரபு அறிவித்தார். ஆனால் அந்த படத்தின் தயாரிப்பாளர் யார் என்ற விவரத்தை அவர் கூறவில்லை. எனவே அஜீத் குமார், வெங்கட் பிரபு மீண்டும் இணைய போகும் படத்தை இசையமைப்பாளர் யுவன் தயாரிக்க உள்ளதாக தகவல்கள் வெளியாகி உள்ளன. அத்துடன் அந்த படத்துக்கு இசையமைப்பவரும் யுவன்தான் என்றும் கூறப்படுகிறது.