கோலிவுட் ஆசையில் சுதீப்

நான் ஈ படத்தின் மூலம் வில்லனாக அறிமுகமாகும் கன்னட நடிகரும், தயாரிப்பாளருமான சுதீப், கோலிவுட்டில் தனக்கு ஒரு நல்ல இடம் கிடைக்கும் என்று நம்புகிறார்.

சுதீப் கன்னடத்தில் நடித்து வெற்றி பெற்ற ஜஸ்ட் மாத் மாட்டால்லி என்ற படத்தை, தமிழில் டப் செய்ய திட்டமிடப்பட்டுள்ளது. இப்படத்தில் சுதீப்பே தனது கதாபாத்திரத்திற்கு தமிழில் டப்பிங் பேச உள்ளார்.

இதன் மூலம் தமிழில் அவர் அறிமுகமானாலும், நேரடி தமிழ்ப் படம் என்ற வகையில் நான் ஈ திரைப்படமே முதல் படமாக இருக்கும் என்றும், நான் ஈ படத்தில் இயக்குநர் எஸ்எஸ ராஜாமௌலி ஒரு நல்ல கதாப்பாத்திரத்தை எனக்காக வழங்கியுள்ளார். நிச்சயம் அந்த கதாபாத்திரத்தில் நான் சிறப்பாக நடிப்பேன் என்றும் அவர் கூறியுள்ளார்.