சுதீப் நடிப்பை பாராட்டிய ரஜினிகாந்த்

கடந்த 6ம் தேதி வெளியான நான் ஈ திரைப்படம் அனைத்து திரையரங்குகளிலும் வெற்றிகரமாக ஓடிக் கொண்டிருக்கிறது. குறிப்பாக இந்தப் படத்தில் நடித்த கன்னட நடிகர் சுதீப் அனைத்து தரப்பினர் பாராட்டையும் பெற்று வருகிறார். அவர் படத்தில் வில்லன் வேடம் ஏற்றுள்ளார். படம் பார்த்த நடிகர் ரஜினிகாந்த், நாகார்ஜூனா ஆகியோர் சுதீப் நடிப்பை வெகுவாக பாராட்டியுள்ளனர். மேலும் இயக்குனர் சங்கரும் தேவி திரையரங்கில் படம் பார்த்து மகிழ்ந்துள்ளார். அங்கு பார்வையாளர்களுக்காக வைக்கப்பட்டுள்ள குறிப்பேட்டில் படம் நன்றாக உள்ளதாக பாராட்டியுள்ளார். இயக்குனர் ராஜமௌலி இயக்கியுள்ள நான் ஈ திரைப்படத்தில் நானி கதாநாயகனாக நடித்துள்ளார். அவருக்கு ஜோடியாக சமந்தா நடித்துள்ளார். ரஜினி, நாகார்ஜூனா ஆகியோரிடம் பாராட்டு பெற்றதை பாக்கியமாக கருதுவதாக தனது ட்டுவிட்டரில் சுதீப் தெரிவித்துள்ளார்.