தமிழுக்கு திரும்பிவிட்டேன் : ஏ.ஆர். ரஹ்மான்

கடந்த ஆண்டு ஒரு தமிழ் படத்திற்குக் கூட இசையமைக்காமல் இருந்துவிட்ட ஏ.ஆர். ரஹ்மான், இந்த ஆண்டு தற்போது ஒரு சில தமிழ் படங்களில் இசையமைத்துக் கொண்டிருக்கிறார்.

நான் தமிழில் கடந்த ஆண்டு பணியாற்றாமல் இருந்ததற்கு எந்த காரணமும் இல்லை. சூழ்நிலை அப்படி அமைந்துவிட்டது. அதனை ஈடு செய்யும் வகையில் இந்த ஆண்டு பணியாற்றி விடுவேன் என்கிறார் ரஹ்மான்.

தற்போது ரஜினிகாந்த்தின் கோச்சடையான், கடல் படங்களுக்கு இசையமைத்து வரும் ரஹ்மான், மேலும், மரியான், யோஹன் அத்தியாயம் ஒன்று உள்ளிட்ட சில படங்களில் இசையமைக்க பேச்சுவார்த்தை நடந்து வருகிறது.

கௌதம் வாசுதேவன் இயக்கும் சில தொலைக்காட்சி சீரியல்களுக்கும் ஏ.ஆர். ரஹ்மான் இசையமைக்க உள்ளார்.