பெரம்பலூரில் மருத்துவக் கல்லூரி: சென்னை உயர்நீதிமன்றம் உத்தரவு

சென்னை,ஏப்.25: சிவகங்கை, திருவண்ணாமலையில் மருத்துவக் கல்லூரிகள் தொடங்குவதுக்கு முன்பாக பெரம்பலூரில் மருத்துவக் கல்லூரியை தொடங்க வேண்டும் என்று தமிழக அரசுக்கு சென்னை உயர்நீதிமன்றம் உத்தரவிட்டுள்ளது. இது தொடர்பாக வழக்கறிஞர் பழனி முத்து சென்னை உயர்நீதிமன்றத்தில் தாக்கல் செய்த பொது நல மனுவில், கடந்த 2009ம் ஆண்டு சட்டசபையில் பெரம்பலூர் அடுத்த குன்னத்தில் ரூ.100 கோடி செலவில் அரசு மருத்துவக் கல்லூரி அமைக்கப்படும் என்ற அறிவிப்பை சுட்டிக்காட்டியுள்ளார். ஆனால் தற்போது வரை அங்கு கட்டுமானப்பணி எதுவும் தொடங்கப்படவில்லை என்றும் அதன் பின்னர் அறிவிக்கப்பட்ட சிவங்கை, திருவண்ணாமலை மாவட்டங்களில் அரசு மருத்துவக்கல்லூரி கட்டப்பட்டு வருகிறது என்றும மனுவில் தெரிவித்துள்ளார். மனுவை விசாரித்த நீதிபதிகள் சிவகங்கை, திருவண்ணாமலையில் மருத்துவக் கல்லூரிகள் தொடங்குவதுக்கு முன்பாக பெரம்பலூரில் மருத்துவக் கல்லூரியை தொடங்க வேண்டும் என்று உத்தரவிட்டனர்.