மாற்றானைத் தொடர்ந்து சிங்கம் 2

ishwarya Tue Mar 26, 2013 12:29 pm

சூர்யா-ஹரி இணைந்து ஏற்கனவே 3 வெற்றிப் படங்களைக் கொடுத்துள்ளனர். இந்த வெற்றிக் கூட்டணி மீண்டும் சிங்கம் 2 வின் மூலம் இணைய உள்ளது.

ஆறு, வேல், சிங்கம் படங்களைக் கொடுத்த சூர்யா - ஹரி கூட்டணி சிங்கம் 2 படத்தில் இணைய உள்ளதாக செய்திகள் ஏற்கனவே வந்துவிட்டன. இப்போது இதில் புதிய தகவல் என்ன என்று நீங்கள் கேட்பது புரிகிறது.

தற்போது கே.வி. ஆனந்த் தயாரிப்பில் உருவாகி வரும் மாற்றான் படத்தை முடித்துக் கொடுத்து விட்டு உடனடியாக சிங்கம் 2 படப்பிடிப்பு துவங்க உள்ளது.

இந்த படத்தில் அனுஷ்காவும், ஹன்சிகாவும் சூர்யாவுக்கு ஜோடியாக நடிக்கிறார்கள். இவர்களுடன் விவேக், விஜய்குமார், ராதாரவி, நாசர் ஆகியோர் நடிக்கின்றனர். இசை தேவி ஸ்ரீ பிரசாத்.

இப்படம் சென்னை, ஹைதராபாத், தூத்துக்குடி, திருநெல்வேலி, காரைக்குடி ஆகிய இடங்களில் படமாக்கப்பட உள்ளது. சில பாடல் காட்சிகளும், சண்டைக் காட்சிகளும் தென் ஆப்ரிக்கா மற்றும் கென்யாவில் படம்பிடிக்க இயக்குநர் திட்டமிட்டுள்ளார்.

இப்போதைக்கு இவ்வளவு தகவல்களே.. மீண்டும் சந்திப்போம்..

அமானுஷ்ய மூலிகைகள்

மாற்றானைத் தொடர்ந்து சிங்கம் 2

மாற்றானைத் தொடர்ந்து சிங்கம் 2