சிறந்த நடிகருக்கான விருது யாருக்கு?

தென்னிந்திய சர்வதேச திரைப்பட விருதான SIIMA விருதுக்கு பல படங்கள் போட்டியிட்டன. இதில் இறுதியாக மயக்கம் என்ன, ஆடுகளம் படங்கள் இறுதிப் போட்டிக்கு தகுதி பெற்றுள்ளன.

இந்த இரண்டு படங்களும் சிறந்த படத்திற்கான போட்டியில் இருப்பது போல, சிறந்த இயக்குநருக்கான போட்டியில் இவ்விரு படங்களின் இயக்குநர்களும் உள்ளனர். சிறந்த கதாநாயகிக்கான போட்டியில் ரிச்சாவும், சிறந்த கதாநாயகன் போட்டியில் தனுஷும் உள்ளார். ஆனால் இறுதிப் போட்டியில் தனுஷுடன் மோதுவது நம்ம தலதான்.

ஆம் மங்காத்தா படத்தில் நடித்ததற்காக சிறந்த நடிகருக்கான போட்டியிலும், வில்லன் கதாப்பாத்திரத்துக்கான போட்டியிலும் அஜித்தின் பெயர் இடம்பெற்றுள்ளது.

இவர்களில் சிறந்தவர்களை தேர்வு செய்வதற்கான உங்கள் வாக்குகளை www.siima.com இணையதளத்தில் பதிவு செய்யலாம்.

துபாயில் ஜுன் 21 மற்றும் 22ம் தேதிகளில் நடைபெற உள்ள இவ்விருது வழங்கும் நிகழ்ச்சியில் பல்வேறு கலை நிகழ்ச்சிகளும் இடம்பெற உள்ளன.

உங்கள் ஓட்டு யாருக்கு?