சிறந்த நடிகை, நடிகருக்கான விருது

ஒவ்வொரு ஆண்டும் விஜய் டிவி சார்பில் சிறந்த நடிகர், நடிகைகளுக்கான விருதுகள் வழங்கப்படும். அந்த வரிசையில் இந்தாண்டு விருதினை தட்டி சென்றது யார் என பார்ப்போம்.

தெய்வ திருமகன் படத்தில் நடித்த விக்ரம் இந்தாண்டு சிறந்த நடிகருக்கான விருதை பெற்றுள்ளார். சிறந்த நடிகைக்கான விருதினை எங்கேயும் எப்போதும் படத்தில் நடித்த அஞ்சலிக்கு வழங்கப்பட்டது.

சிறந்த இசையமைப்பாளர் விருது ஜி.வி.பிரகாசுக்கு வழங்கப்பட்டன. சரத்குமார், உமா ரியாஸ் போன்றவர்களும் சிறப்பு விருதை பெற்றனர். மங்காத்தா படத்தில் நடித்ததற்காக அஜீத்துக்கு சிறந்த வில்லன் விருதினை வழங்கியுள்ளது விஜய் டிவி.சிறந்த பாடலாசிரியர் விருது வைரமுத்துக்கும், செவாலியே சிவாஜி கணேசன் விருது பின்னணி பாடகர் எஸ்.பி.பாலசுப்பிரமணியத்துக்கும் வழங்கப்பட்டன.

பொழுதுபோக்கு நடிகருக்கான விருதை தனுஷ் பெற்றுள்ளார். கமேடி நடிகைக்கான விருதை கோவை சரளாவும், கமேடி நடிகருக்கான விருதை சந்தானமும் பெற்றனர். விருது வழங்கும் விழா சென்னை நேரு விளையாட்டு அரங்கில் நடந்தது.