விஜய் அவார்ட்ஸ் இன்று ஒளிபரப்பு

விஜய் டிவி ஒவ்வொரு ஆண்டும் சினிமாத் துறையில் சிறப்பாக பணியாற்றிய கலைஞர்களைத் தேர்வு செய்து விருதுகளை அளித்து கௌரவித்து வருகிறது. அந்த வகையில் 2011ம் ஆண்டுக்கான விஜய் விருதுகள் வழங்கும் நிகழ்ச்சி ஜூன் 16ம் தேதி மிகப் பிரம்மாண்டமாக நடைபெற்றது.

இந்த நிகழ்ச்சியின் ஒளிபரப்பு இன்று வெள்ளிக்கிழமை மற்றும் சனிக்கிழமை மாலை 6 மணிக்கு ஒளிபரப்பாக உள்ளது.

2011ம் ஆண்டு வெளியான 143 படங்களில், 34 பிரிவுகளின் கீழ் பல்வேறு கலைஞர்கள் தேர்வு செய்யப்பட்டு விருதுகள் வழங்கப்பட்டன.

நிகழ்ச்சியில், கமலஹாசன், ஏஆர் ரஹ்மான், பிரபு, எஸ்பிபி உள்ளிட்ட பல நட்சத்திரங்கள் கலந்து கொண்டு விருதுகளைப் பெற்றும், வழங்கியும் நிகழ்ச்சியை சிறப்பித்தன.