தாழ்வு மனப்பான்மை கூடாது: நடிகர் சந்தானம் பேச்சு

வாழ்க்கையில் தாழ்வு மனப்பான்மை இருக்கக்கூடாது, அவ்வாறு இருக்கும்பட்சத்தில் அதுவே நம்மை தோல்வி அடைய செய்துவிடும் என திரைப்பட நகைச்சுவை நடிகர் சந்தானம் தெரிவித்தார்.

÷கடலூர் மஞ்சக்குப்பம் மனவளக்கலை மன்ற அறக்கட்டளை சார்பில் யோகமும் மனித மாண்பும் என்ற அறிமுக நிகழ்ச்சி கடலூர் டவுன் ஹாலில் நடந்தது. இதில் சிறப்பு விருந்தினராக கலந்துகொண்ட சந்தானம் பேசியது:

÷சினிமா படங்களில் பாடல் வெளியீடு, விருது வழங்கும் விழா என மேடை ஏறியுள்ளேன். தற்போதுதான் மன அமைதி உணர்வைதரும் மேடையை ஏறியுள்ளேன். படிப்பு சரியாக வராத காரணத்தால் நான் சினிமாவுக்கு வந்தேன். தாழ்வு மனப்பான்மை இருக்கக்கூடாது. மாறாக எல்லாம் நன்றாக நடக்கும், சந்தோஷமாக நடக்கும் என நினைக்க வேண்டும்.

÷என்ன வேலை, எவ்வளவு சம்பளம் என்பதையே சிந்தித்து கவனத்தை திசை திருப்பி வருகிறோம். இறைநிலையோடு இருந்தால் வாழ்க்கையில் கேட்பது மட்டுமின்றி கேட்காததும் கிடைக்கும் என்றார் சந்தானம்.