திருச்சியில் "எஸ்.பி.பி. 1980': இன்னிசை நிகழ்ச்சி

திருச்சி, ஆக. 31 : திரைப்பட பின்னணி இசைப் பாடகர் எஸ்.பி. பாலசுப்பிரமணியம் ரசிகர்கள் அறக்கட்டளை மற்றும் திருச்சி ஜேசீஸ் சங்கம் இணைந்து "எஸ்.பி.பி. 1980 - இன்னிசை இரவு' என்ற இசை நிகழ்ச்சியை திருச்சி, கருமண்டபத்தில் உள்ள தேசியக் கல்லூரி வளாகத்தில் சனிக்கிழமை மாலை 6 மணிக்கு நடத்துகின்றன.

எஸ்.பி. பாலசுப்பிரமணியம் ரசிகர்கள் அறக்கட்டளை, அடிப்படை வசதியில்லாத பள்ளிகள், ஆதரவற்றோர் இல்லங்கள், முதியோர் இல்லங்களுக்குத் தேவையான பல்வேறு உதவிகளை ஆண்டுதோறும் செய்து வருகிறது. இந்த அறக்கட்டளைக்கு நிதி திரட்டும் வகையில் இந்த இன்னிசை நிகழ்ச்சி நடத்தப்படவுள்ளது.

திரைப்பட பின்னணி பாடகர் எஸ்.பி. பாலசுப்பிரமணியம், திரைப்பட இயக்குநர் கே. பாக்யராஜ், திரைப்பட நடிகர்கள் பிரபு, மோகன், பின்னணி பாடகர் எஸ்.பி.பி. சரண், பாடகிகள் எஸ்.பி. சைலஜா, கல்பனா உள்ளிட்டோர் பங்கேற்று பாடல்களை பாடவுள்ளனர்.

பின்னணி இசையை சென்னை ஸ்ருதிலயா இசைக்குழுவினர் இசைக்கவுள்ளனர்.

கட்டணமாக (இருவருக்கு) ரூ.1,000, ரூ.500, ரூ.300 என நிர்ணயிக்கப்பட்டுள்ளது. தொடர்புக்கு : 99761 11990, 99761 11442.

இந்த நிகழ்ச்சியை "சினிமா எக்ஸ்பிரஸ்' இதழும் அச்சு ஊடகத்தின் சார்பில் இணைந்து வழங்குகிறது.