நான் குத்தாட்டம் ஆடமாட்டேன் - ஸ்ருதி!

தெலுங்கில் குத்தாட்டம் போடப்போவதாக வெளியான தகவலை நடிகை ஸ்ருதி ஹாசன் மறுத்துள்ளார். ராம்சரண் தேஜா நடிக்கும் தெலுங்கு படத்தில் குத்தாட்டம் போட படக்குழுவினர் ஸ்ருதியை அணுகியிருக்கின்றனர்.

இதற்கு நடிகை ஸ்ருதியும் சம்மதம் தெரிவித்ததாக தகவல் வெளியானது. ஆனால் இதனை ஸ்ருதி மறுத்துள்ளார். "தெலுங்கு படத்தின் குத்துப்பாட்டுக்கு மட்டுமல்ல, எந்த மொழி படத்திலும் நான் குத்துப்பாட்டுக்கு ஆடமாட்டேன்' என்று கூறியுள்ளார்.

தெலுங்கில் ஹிட்டான "நூ ஒஸ்தாணன்ட்டே நே ஒத்தண்ட்டேனா' படம் இந்தியில் ரீமேக் ஆகிறது. இப்படத்தை பிரபுதேவா இயக்குகிறார். இதில் நாயகியாக நடிக்கிறார் ஸ்ருதிஹாசன். இப்படத்தின் மூலம் ஸ்ருதி சரிந்துள்ள தனது இந்தி மார்க்கெட்டை பிடிக்க திட்டமிட்டுள்ளாராம்.