சதா போட்ட குத்தாட்டம்

அந்நியன் படத்தில் நடித்த பிறகு சதா தமிழ் சினிமாவுக்கு அந்நியமாகி இப்போது குத்தாட்டம் லெவலுக்கு இறங்கியிருக்கிறார். விஷாலின் மதகஜராஜா படத்தில் ஒரு பாடலுக்கு ஆடி புதிய அத்தியாயத்தை தொடங்கியிருக்கிறார்.

வாய்ப்பு இல்லை என்றான பிறகு தெலுங்கில் சில சூடான படங்களில் நடித்தார் சதா. அதுவும் வேலைக்கு ஆகவில்லை. இறுதியில் வாசு இயக்கத்தில் ஆர்கே நடிப்பில் வெளியான புலி வேஷத்தில் ஆர்கேயின் ஜோடியாக பொறுப்பேற்றார். ஆர்கே-க்கே மார்க்கெட் இல்லை. இதில் சதா எங்கே முட்டிக் கொள்வது. கடைசியில் சுந்தர் சி இயக்கத்தில் விஷால் நடிக்கும் மதகஜராஜா படத்தில் ஒரு பாடலுக்கு ஆட வாய்ப்பு வர சந்தோஷமாக ஆடிக் கொடுத்தார்.

சதா ஒரு பாடலுக்கு ஆடுவதாக இருந்தால் எவ்ளோ வேணும்னாலும் சம்பளம் தர்றோம் என்று சுப்பனும் குப்பனும் துரத்த ஆரம்பிக்க, விஷால் என்னோட நண்பர் அதனால்தான் ஆடினேன் என்று பிளேட்டை திருப்பிப் போட்டு எஸ்ஸாகப் பார்க்கிறார் சதா.

பேசாம கல்யாணம் செய்து செட்டிலாகலாமே மேடம்.
சதா குத்தாட்டம், மதகஜராஜா