இயக்குநர் ஆர்.கே. செல்வமணியும் நடிகராகிறார்

இயக்குநராக இருந்து நடிகராக மாறிய மணிவண்ணன், சேரன், சுந்தர் சி என நீளும் பட்டியலில் தற்போது ஆர்.கே. செல்வமணியும் இணைந்துள்ளார்.

புலன் விசாரணை, கேப்டன் பிரபாகரன் போன்ற மிகச் சிறந்த படங்களை இயக்கிய செல்வமணி தற்போது இயக்கி வரும் படம் அகிலா.

இப்படத்தை இயக்குவதோடு நின்றுவிடாமல், படத்தில் நடிக்கவும் செய்துள்ளார்.

2007ம் ஆண்டு குற்றப்பத்திரிக்கை படத்தை இயக்கிய செல்வமணி, நீண்ட காலத்துக்குப் பிறகு இயக்கும் படம் அகிலா. இப்படம், பயங்கரவாத நடவடிக்கையால், மக்கள் எவ்வாறெல்லாம் பாதிக்கப்படுகிறார்கள் என்பதை எடுத்துரைக்கும் வகையில் அமைந்துள்ளது.

இப்படத்தில் பல புதுமுகங்கள் அறிமுகமாகிறார்கள்.

சென்னை மற்றும் பல்வேறு இடங்களில் இப்படத்துக்கான படப்பிடிப்பு நடந்து வருகிறது. நவம்பரில் இப்படம் திரைக்கு வரும் என்று எதிர்பார்க்கப்படுகிறது.