அகிலன் - ஒரு மருத்துவர் நடிகராகிறார்

மெத்தப் படித்த மருத்துவர்கள் திரையுலகுக்கு வரும் போது திகிலாகிறது. பவர் ஸ்டார் சீனிவாசனால் உருவான பயம் இது. மருத்துவர்கள் நடிக்க வரும்போது எப்படி காமெடியன்களாக மாறிவிடுகிறார்கள் என்பது இன்னமும் மர்மமாகவே உள்ளது.

அகிலன் படத்திலும் ஒரு மருத்துவர் அறிமுகமாகிறார். பெயர் சரவணன். கதையைவிட, இயக்குனரைவிட சரவணனை மையப்படுத்தி விளம்பரம் செய்வதைப் பார்த்தால் பவர் ஸ்டார் நாற்காலிக்கு போட்டி வந்துவிட்டதாகத் தோன்றுகிறது. எதற்கும் போட்டி என்று ஒன்றிருப்பது நல்லதுதான்.

மதுரையில் இளம் பெண்களை ஒரு கும்பல் திட்டமிட்டு கடத்துகிறது. இதை தடுக்க தனிப்படை அமைக்கிறது அரசு. அதற்கு தலைமை தாங்கும் போலீஸ் அதிகா‌ரி எப்படி வியூகம் அமைத்து கடத்தல்காரர்களை மடக்குகிறார் என்பது அகிலனின் கதை. நாம் சொல்லாமலே அந்த பராக்கிரம அதிகா‌ரி டாக்டர் சரவணன் என்பதும் அவரது கேரக்டர் பெயர் அகிலன் என்பதும் உங்களுக்கு தெ‌ரிந்திருக்கும். சரவணனுக்கு ஜோடியாக வித்யா நடிக்கிறார். இளம் ஜோடியாக அம்‌ரித், லீமா நடிக்கின்றனர். கதை, திரைக்கதை, வசனம் எழுதி படத்தை இயக்குகிறவர் ஹென்றி ஜோசப்.

படத்தை தயா‌ரித்திருப்பவர், வேறு யாராக இருக்க முடியும்? மதுரை டாக்டர் உயர்திரு சரவணன் அவர்கள்.
அகிலன், மருத்துவர் சரவணன்