பட்டம் தரும் பட்டீஸ்வரம் கோவில்

பட்டம், பதவிகள் ஒருவரை தேடி வர வேண்டும் என்றால் அவர் பெரும் புண்ணியம் செய்திருக்க வேண்டும் என்பார்கள். உங்களுக்கும் அந்த ஆசை உண்டா? அப்படியென்றால், நீங்கள் செல்ல வேண்டிய திருத்தலம் பட்டீஸ்வரம்தான்!

ஆம்... அங்குள்ள இறைவனை வழிபட்டால் பட்டம், பதவிகள் உங்களைத் தேடி வரும் பெரும் பாக்கியம் ஏற்படும் என்கிறார்கள். கும்பகோணத்தில் இருந்து 10 கி.மீ. தொலைவில் இந்த திருத்தலம் அமைந்துள்ளது. இங்குள்ள இறைவன் பட்டீசுவரர், தேனுபுரீஸ்வரர் என்றும், இறைவி ஞானம்பிகை, பல்வளை நாயகி என்றும் அழைக்கப்படுகின்றனர்.

ராமேஸ்வரத்தில் ராமர் ராமநாதரைப் பிரதிஷ்டை செய்து வழிபட்டுத் திரும்பியபோது வில்முனையால் கோடி தீர்த்தம் உண்டாக்கி வழிபட்டார். இதனையொட்டி இங்கு ராமலிங்க சந்நிதியும், கோடி தீர்த்தமும் கிணறு வடிவில் உள்ளது.

இத்தலத்தில்தான் விசுவாமித்திரர் `பிரம்மரிஷி' பட்டம் பெற்றார் என்கிறார்கள். அதனால், இத்திருத்தலத்தில் வழிபட்டால் பட்டம், பதவிகள் நம்மை தேடி வரும் என்பது ஐதீகம்.

போக்குவரத்து வசதி:

இந்த கோவிலுக்கு செல்ல கோயம்பேடு பேருந்து நிலையத்தில் இருந்து பஸ் வசதி உள்ளது.