தோஷங்கள் போக்கும் ராகுகால பூஜை

பொதுவாக சித்தயோகம், அமிர்தயோகம் போன்ற யோக காலங்களை சிறந்த காலங்களாக நாம் கருதுகிறோம். நம்மனதில் ராகு காலம் என்றாலே ஒருவித பயம் உண்டாகிறது. ஆனால் ராகு காலமே பல பரிகாரங்கள் செய்ய உகந்த காலமாகும்.

ராகு காலத்தில் தோஷ நிவர்த்தி பூஜைகள் செய்து வழிபட்டால் பீடைகள் நீங்கி எல்லா செல்வங்களும் வரும். ராகுகாலம் 1 மணி 30 நிமிடமாகும். ஒவ்வொரு நாளும் ராகுகால நேரம் எப்போது வருகிறது தெரியுமா?

ஞாயிறு: 4.30-6.00
திங்கள்: 7.30-9.00
செவ்வாய்: 3.00-4.30
புதன்: 12.00-1.30
வியாழன்: 1.30-3.00
வெள்ளி: 10.30-12.00
சனி: 9.00-10.30 ஆகும்.

ராகு காலத்தை பாம்பாக வைத்து முதல் அரை மணி நேரம் தலைப்பாகம், 2-ம் அரை மணி நேரம் உடல் பாகம், 3-ம் அரை மணி நேரம் வால்பாக என்று வரையுறுத்துள்ளனர். எனவே அதற்கு ஏற்ப நாம் பூஜைகள் செய்தால் பலன் உண்டு.

இதில் இறுதி அரை அணி நேரம் தான் அமிர்த கடிகை எனும் விசேஷ காலமாகும். இந்த நேரம் பரிகாரங்கள் செய்ய மிகவும் உகந்த நேரமும், மிகவும் பலன் தரக்கூடியதும் ஆகும். இந்த நேரத்தில் பூஜைகள், பரிகாரங்கள் செய்வதால் தோஷங்கள் நீங்கி குடும்பம் சீரும் சிறப்புமாக இருக்கும்.