எனக்கு என்றுமே செல்வாக்குதான்!

தமிழ்சினிமாவில் நுழைந்து சில படங்களிலேயே ரசிகர்களை தன் பக்கம் இழுத்த நடிகைகளில் திரிஷா முக்கியமானவர். ஆனால் அவருக்கு தற்போது செல்வாக்கு சரிந்துவிட்டதாகவும், புதுப்பட ஒப்பந்தத்திற்கு அவரை யாரும் அணுகவில்லை என்றும் செய்திகள் வெளியாகியுள்ளன. ஆனால் இதுபற்றி கேட்டால் முற்றிலும் மறுக்கிறார் திரிஷா.

இது குறித்து அவர் அளித்துள்ள பேட்டியில், என்மேல் தவறான வதந்திகள் பரப்பப்படுகின்றன. புதுமுக நடிகைகளால் எனக்கு பட வாய்ப்புகள் குறைந்துவிட்டன என்பதில் உண்மை இல்லை. தெலுங்கில் கங்கா என்ற படம் கைவசம் உள்ளது. தமிழிலும் ஒரு படத்தில் நடிக்கிறேன்.

என் செல்வாக்கு சரியவில்லை. என் படத்தை ரசிகர்கள் தொடர்ந்து ரசிக்கிறார்கள். திறமை இருந்தால்தான் சினிமாவில் நிலைக்க முடியும். நான் என்னுடைய திறமையை நம்பித்தான் சினிமாவிற்கு வந்தேன். சினிமாவில் 10 வருடங்களுக்கு மேலாக இருக்கிறேன். அறிமுகமானபோது எனக்கு எவ்வளவு வரவேற்பு இருந்ததோ அதே வரவேற்புதான் இப்போதும் உள்ளது.

என்மேல் உள்ள பொறாமையால்தான் சிலர் இப்படி வதந்திகளை பரப்புகிறார்கள். அதை யாரும் நம்பவேண்டாம் என்று கூறுகிறார் திரிஷா.