மீண்டும் ஏட்டு எரிமலையானார் நடிகர் விவேக்

சூர்யா-ஹரி கூட்டணியில் உருவாகி வரும் திரைப்படம் சிங்கம்-2. பிரகாஷ் ராஜ் தவிர சிங்கம் திரைப்படத்தில் நடித்த அனைத்து நட்சத்திரங்களும் இந்தப் படத்தில் நடிக்கின்றனர். புதிய வரவாக ஹன்சிகா, அஞ்சலி, சந்தானம் ஆகியோர் இணைந்துள்ளனர். சிங்கம்-2 திரைப்படத்தில் காமெடி நடிகர்களான விவேக்கும், சந்தானமும் காமெடியில் கலக்க இருக்கின்றனர். இருவரும் முன்னணி காமெடி நடிகர்கள் என்பதால் படத்தில் இருவருக்கும் முக்கியத்துவம் கொடுத்துள்ளார் இயக்குனர் ஹரி. இதற்காக நடிகர் விவேக்கிற்கும், நடிகர் சந்தானத்திற்கும் தனித்தனியான காமெடி ட்ராக் அமைத்துள்ளார். சிங்கம் படத்தினை போன்று இந்தப் படத்திலும் நடிகர் விவேக் அதே ஏட்டு எரிமலை கதாபாத்திரத்தில் நடிக்கிறார். அதேசமயம் நடிகர் சந்தானம் மாறுபட்ட காமெடி கதாப்பாத்திரத்தில் நடிக்க இருக்கிறார்.