என்னைவிட சூர்யாதான் அழகு: நடிகர் கார்த்தி

திருச்சியில் இன்று நடைபெற்ற பள்ளி சார்ந்த நிகழ்ச்சிக்கு வந்திருந்தார் நடிகர் கார்த்தி. திருச்சி சிறுகனூர் எம்.ஏ.எம்.,கல்லூரி வளாகத்தில் நடைபெற்ற நிகழ்ச்சி ஒன்றில் கலந்துகொண்டார்.

நிகழ்ச்சியில் பேசிவிட்டு பின்னர் செய்தியாளர்களிடம் பேசும்போது,

“அகரம் அமைப்புக்கு இந்தக் கல்லூரி அமைப்பு சார்பாக உதவிகள் செய்கின்றனர். மேலும் பத்தாயிரம் மாணவர்களை சந்திக்கும் வாய்ப்பு கிடைக்கிறது. அதனால் இங்கே கலந்து கொள்ள வந்தேன்.

நான் தற்போது நடித்து வரும் பிரியாணி படம் காமெடியாகவும் இருக்கும், திரில்லாகவும் இருக்கும், ஜாலியான கதையும்கூட!

அகரம் அமைப்பு மூலம் பல்வேறு இடங்களில் சமூகப் பணிகளைச் செய்து வருகின்றார்கள். என் பிறந்த நாளில் ரசிகர்களும் பல்வேறு உதவிகளைச் செய்துவருகிறார்கள்.

அரவாணிகள் தைரியமாக முன்வந்து சமூக நீரோட்டத்தில் கலந்து, வியாபாரம் உள்ளிட்டவற்றில் ஈடுபட வேண்டும். அவர்கள் கேட்டுக் கொண்டதற்கிணங்க, 5 அரவாணிகளுக்கு ஜூஸ் ஸ்டால் கடை வைக்க உதவி செய்துள்ளோம்... என்றார்.

அப்போது செய்தியாளர்கள், உங்களைவிட சூரியா அழகா? என்று கேட்டனர்.

அதற்கு கார்த்தி, "என்னை விட சூரியாதான் அழகு!” என்றார்.