பீசா ரீமேக்கில் பிரணிதா

தமிழில் வெற்றிபெற்ற பீசா திரைப்படம் கன்னடத்தில் ரீமேக் செய்யப்பட இருக்கிறது. இந்த ஆண்டு தமிழில் வெளியான பெரிய பட்ஜெட் படங்கள் தோல்வியடைந்த நிலையில் எந்தவித எதிர்பார்ப்பும் இல்லாமல் வந்த பீசா திரைப்படம் நல்ல வரவேற்பை பெற்றது. இதன் வெளிபாடு பீசா திரைப்படத்தை கன்னடா, தெலுங்கு, இந்தி போன்ற மொழிகளில் ரீமேக் செய்ய முன்வந்துள்ளனர். இதற்காக நல்ல விலை கொடுக்கப்பட்டுள்ளது. பீசா திரைப்படம் கன்னடத்தில் விசில் என்ற பெயரில் ரீமேக் செய்யப்படுகிறது. அதில் சிரஞ்சீவி சர்ஜா நாயகனாவும், பிரணிதா நாயகியாவும் நடிக்கின்றனர். பிரசாந்த் ராஜ் இயக்குகிறார். பீசா திரைப்படத்தை பொறுத்தவரை தமிழில் விஜய் சேதுபதி நாயகனாவும், ரம்யா நம்பீசன் நாயகியாகவும் நடித்திருந்தனர் என்பது குறிப்பிடத்தக்கது.