கஹானி ரீமேக்கில் அனுஷ்கா?

இந்தியில் வெளியான த்ரில்லர் கஹானி. இதனை தெலுங்குப்பட இயக்குனர் சேகர் கம்முலா தெலுங்கு, தமிழ் இரு மொழிகளில் ரீமேக் செய்யவிருப்பதாக தகவல் சொல்லப்படுகிறது.

கஹானியை பார்க்கும் யாருக்கும் அதேபோல் ஒரு த்ரில்லரை இயக்க ஆசை வரும், அட்லீஸ்ட் அதனை ரீமேக் செய்யும் விருப்பமாவது எழக்கூடும். ஒரு வெல் கிராஃடட் த்ரில்லர் கஹானி.

தெலுங்கின் முன்னணி இயக்குனர்களில் ஒருவரான சேகர் கம்முலா கஹானியை ரீமேக் செய்யவிருப்பதாகவும், அனுஷ்கா அதில் நடிப்பதாகவும் ஆந்திராவில் செய்தி பரவியுள்ளது. வித்யாபாலனுக்கு அனுஷ்கா சரியான தேர்வு.

கஹானி கொடூரமான தீவிரவாத தாக்குதலுக்குப் பின்னணியில் நெய்யப்பட்டிருக்கும் கதை. ஆந்திராவிலும், தமிழகத்திலும் இதுபோன்ற தாக்குதல்கள் நடந்ததில்லை. கஹானியை ரீமேக் செய்கையில் உன்னைப்போல் ஒருவனில் கமல் தடுமாறியதைப் போல் சேகர் கம்முலா தடுமாற வாய்ப்புள்ளது.

எப்படி எடுக்கப் போகிறார்கள் என்பதை பொறுத்திருந்துதான் பார்க்க வேண்டும்.
அனுஷ்கா, கஹானி, இந்தி, தமிழ், தெலுங்கு