மேலும் 10 ஆண்டுகள் சினிமாவில் நடிப்பேன்: திரிஷா

திரிஷா திரைத்துறைக்கு வந்து 10 ஆண்டுகள் கடந்து விட்டன. 2002ம் வெளியான மௌனம் பேசியதே என்ற திரைப்படத்தின் மூலம் தமிழ் திரையுலகிற்கு அறிமுகமான திரிஷா, சாமி, கில்லி, உனக்கும் எனக்கும், விண்ணைத்தாண்டி வருவாயா என பல வெற்றிப்படங்களில் நடித்துள்ளார். 10 ஆண்டுகளை கடந்தும் இன்றும் முன்னணி நடிககைகளில் ஒருவராக திகழும் இவர் தற்போது சமர், பூலோகம், என்றென்றும் புன்னகை ஆகிய மூன்று படங்களில் நடித்து வருகிறார். இந்நிலையில் திரிஷா மேலும் 10 ஆண்டுகள் சினிமாவில் தொடர்ந்து நடிப்பேன் என தெரிவித்திருக்கிறார். இதற்காக அவர் தனது உடற்கட்டமைப்பை தொடர்ந்து அழககாகவும் ஸ்லிம்மாகவும் வைத்துக்கொள்ள திட்டமிட்டுள்ளார். இதனை பின்பற்றினால் சினிமாவில் உள்ள தற்போதைய நிலையை தக்கவைத்துக்கொள்ள முடியும் என உறுதிபடக் கூறுகிறார் திரிஷா.