பிப்ரவரியில் கடல் வெளியீடு

மணிரத்தனம் இயக்கத்தில் இந்த ஆண்டு மிகுந்த எதிர்பார்ப்பை ஏற்படுத்தி இருக்கும் திரைப்படம் கடல். நடிகர் கார்த்திக்கின் மகன் கௌதம் நாயகனாகவும், நடிகை ராதாவின் இளைய மகள் துளசி நாயகியாகவும் நடித்துள்ளனர். கடற்கரையோர மக்களின் வாழ்க்கை முறையை கதையாக கொண்டு எடுக்கப்பட்டுள்ளது. முக்கிய கதாபாத்திரங்களில் அர்ஜூன், அரவிந்த் சாமி உள்ளிட்ட பலர் நடித்துள்ளனர். ஏ.ஆர். ரகுமான் இசையமைத்துள்ளார். ராஜீவ் மேனன் ஒளிப்பதிவு செய்துள்ளார். படப்பிடிப்பு முடிவடைந்த நிலையில் கடல் திரைப்படம் வெளியீட்டுக்காக காத்திருக்கிறது. பிப்ரவரி 1ம் தேதி படத்தை வெளியிட படக்குழுவினர் திட்டமிட்டுள்ளனர். இதே நாளில்தான் தெலுங்கிலும் கடல் திரைப்படம் வெளியிடப்படுகிறது. தெலுங்கில் காதலி என்ற பெயரில் டப் செய்யப்படுகிறது.