உதயநிதி நடிக்கும் கதிர்வேலின் காதலி

ஒரு கல் ஒரு கண்ணாடி திரைப்படத்தின் மூலம் தமிழ் திரையுலகிற்கு அறிமுகமானவர் உதயநிதி ஸ்டாலின்.

அறிமுகமான முதல் படமே உதயநிதிக்கு வெற்றிப்படமாக அமைந்ததால் தன்னுடைய அடுத்த படத்தை தேர்வு செய்வதில் கவனமாக செயல்பட்டார். பின்னர் ஒரு வழியாக சுந்தரபாண்டியன் திரைப்படத்தை இயக்கிய எஸ்.ஆர். பிரபாகரன் இயக்கத்தில் நடிப்பதென முடிவு செய்தார்.

இந்தப் படத்தில் உதயநிதிக்கு ஜோடியாக நயன்தாரா நடிக்கிறார். ஹாரிஸ் ஜெயராஜ் இசையமைக்கிறார். பாலசுப்பிரமணியம் ஒளிப்பதிவு செய்கிறார். உதயநிதி - நயன்தாரா இணையும் இந்தப் படத்துக்கு கதிர்வேலின் காதலி என பெயரிடப்பட்டுள்ளது. படப்பிடிப்பு அடுத்த வாரம் முதல் தொடங்குகிறது. காமெடி கதாபாத்திரத்தில் சந்தானம், புரோட்டா சூரி ஆகியோர் நடிக்கின்றனர்.