ஜன.25ல் விஸ்வரூபம் வெளியாகும்: கமல்

விஸ்வரூபம் திரைப்படம் வரும் ஜன.25ம் தேதி வெளியாகும் என கமல்ஹாசன் தெரிவித்துள்ளார்.

விஸ்வரூபம் படம் குறித்த சர்ச்சை நீண்டு கொண்டே வந்த நிலையில், டி.டி.எச்சில் வெளியாகும் என்றும் பின்னர் திரையரங்கு உரிமையாளர்களுடன் நடத்திய பேச்சுவார்த்தையின்போது திரையரங்கில் வெளியாகும் என்றும் ஒவ்வொரு நாளும் செய்திகள் வெளியாகி வரும் நிலையில், இன்று அவர் ஜன.25ம் தேதி விஸ்வரூபம் வெளியாகும் என்று தேதியை அறிவித்தார்.

விஸ்வரூபம் படத்தை டிடிஎச்சில் வெளியிட தனது முயற்சிக்கு ஆதரவு தெரிவித்த திரையரங்க உரிமையாளர்களுக்கு தனது பாராட்டுகளைத் தெரிவித்துக் கொள்வதாக அவர் கூறினார். மேலும், தமிழகத்தில் 500 திரையரங்குகளுக்குக் குறையாமல் விஸ்வரூபம் படத்தை வெளியிடப் போவதாகவும் அவர் கூறியுள்ளார்.