உதயநிதி படத்துக்காக பாலி தீவுகளில் முகாமிட்டுள்ள ஹாரிஸ்

ஒரு கல் ஒரு கண்ணாடி திரைப்படத்துக்குப் பிறகு உதயநிதி ஸ்டாலின் தயாரித்து நடித்து வரும் திரைப்படம் 'இது கதிர்வேலன் காதல்'.

இந்தப் படத்தை சுந்தரபாண்டியன் திரைப்படத்தை இயக்கிய எஸ்.ஆர். பிரபாகரன் இயக்குகிறார். ஹாரிஸ் ஜெயராஜ் இசையமைகிறார். உதயநிதி ஜோடியாக நயன்தாரா நடிக்கிறார். படப்பிடிப்பு தொடர்ந்து நடைபெற்று வரும் நிலையில் பாடல்களுக்கு இசையமைக்கும் பணியை தொடங்கிவிட்டார் ஹாரிஸ். இதற்காக அவர் இந்தோனேஷியாவின் பாலி தீவுகளில் முகாமிட்டுள்ளார்.

இதனிடையே ஹாரிஸ் இதுவரை அமைத்த டியூன்களை உதயநிதி மற்றும் இயக்குனருக்கு போட்டு காண்பித்திருக்கிறார். இந்த டியூன்கள் அவர்கள் இருவருக்கும் பிடித்து போய்விட்டது.