"விஸ்வரூபம்' தடை பற்றிய கருத்து: விஜயகாந்த் மீது அவதூறு வழக்கு

விஸ்வரூபம் திரைப்படத்துக்கு தமிழக அரசு விதித்த தடை பற்றி தே.மு.தி.க. தலைவர் விஜயகாந்த் தெரிவித்த கருத்து தொடர்பாக அவர் மீது முதல்வர் ஜெயலலிதா சார்பில் அவதூறு வழக்கு தொடரப்பட்டுள்ளது.

விஸ்வரூபம் படத்துக்கு அரசு விதித்த தாற்காலிக தடை உத்தரவைக் கண்டித்து விஜயகாந்த் அறிக்கை வெளியிட்டிருந்தார். அவரது அறிக்கையில் கூறப்பட்டுள்ள கருத்துகள் முதல்வர் ஜெயலலிதாவின் நற்பெயருக்கும், புகழுக்கும் களங்கம் ஏற்படுத்தும் விதத்தில் இருப்பதாகக் கூறி அவதூறு வழக்கு தொடரப்பட்டுள்ளது.

இதற்கான மனுவை சென்னை முதன்மை செஷன்ஸ் நீதிமன்றத்தில் மாநகர அரசு குற்றவியல் வழக்குரைஞர் எம்.எல்.ஜெகன் புதன்கிழமை தாக்கல் செய்தார்.