குத்துப் பாடலுக்கும் 'ஏ' சான்று: தணிக்கை துறை

குத்துப் பாடல் என்ற பெயரில் படத்தில் ஏதேனும் கவர்ச்சி பாடல் இடம்பெற்றால் அந்தப் படத்துக்கு 'ஏ' சான்று வழங்குவது என்று தணிக்கைக் குழு முடிவு செய்துள்ளது.

அண்மையில் தில்லி மாணவிக்கு எதிராக நிகழ்ந்த கொடூரச் சம்பவம் நாட்டையே அதிரச் செய்தது. மேலும் இதுபோன்ற சம்பவங்கள் மீண்டும் அரங்கேறாமல் இருக்க நாட்டில் சட்டங்கள் கடுமையாக்கப்பட்டு வருகின்றன.

இந்நிலையில் பெண்களுக்கு எதிரான இத்தகைய சம்பவங்களுக்கு சினிமாவும் ஒரு காரணமாக அமைவதால் தணிக்கை துறையும் சில அதிரடி திட்டங்களை கொண்டு வர முடிவு செய்துள்ளது. அதன்படி இனி படங்களில் குத்தாட்டம் என்ற பெயரில் கவர்ச்சி நடனங்கள் இடம்பெற்றால் அந்தபடத்திற்கு 'ஏ' சான்று வழங்கப்பட இருக்கிறது. இவ்வாறு தணிக்கை குழுவால் 'ஏ' சான்று வழங்கப்படும் திரைப்படங்களை தொலைக்காட்சியில் ஒளிபரப்புவதில் பல்வேறு நடைமுறை சிக்கல்கள் உள்ளன.எனவே இந்த புதிய முடிவு திரைப்பட தயாரிப்பாளர்கள் மற்றும் இயக்குனர்களுக்கு இடையே அதிர்ச்சியை ஏற்படுத்தியுள்ளது.