டேவிட் படத்துக்கு யு\ஏ சான்று

டேவிட் திரைப்படத்துக்கு யு\ஏ சான்று கிடைத்துள்ளது.

மீனவர்களின் வாழ்க்கையைப் பின்னணியாக கொண்டு மணிரத்னத்தின் உதவியாளர் பிஜாய் நம்பியார் எழுதி இயக்கி அறிமுகமாகும் திரைப்படம் டேவிட். இந்தப் படத்தின் மூலம் விக்ரம், ஜீவா முதன் முதலாக இணைகின்றனர். மேலும் படத்தில் தபு, லாரா தத்தா, இஷா ஷெர்வானி என பாலிவுட்டின் உச்ச நாயகிகளும் நடிக்கின்றனர். இப்படம் ஒரே நேரத்தில் தமிழ், தெலுங்கு, ஹிந்தி ஆகிய மொழிகளில் தயாராகிறது.

படப்பிடிப்பு அனைத்தும் முடிவடைந்த நிலையில் பிப்ரவரி 1ம் தேதி திரைக்கு வருகிறது. இதனையொட்டி திரைப்படம் தணிக்கைக் குழு பரிந்துரைக்கு அனுப்பப்பட்டது. இதனைப் பார்த்த தணிக்கைக் குழு டேவிட் திரைப்படத்துக்கு யு\ஏ சான்று வழங்கியுள்ளது.