சிங்கம் 2 படத்தின் 3ம் கட்ட படப்பிடிப்பு நிறைவு

சூர்யா நடிப்பில் வெளியாக சக்கைப் போடு போட்ட சிங்கம் படத்தின் இரண்டாம் பாகம் தயாராகி வருகிறது.

இயக்குநர் ஹரியின் இயக்கத்தில் உருவாகி வரும் சிங்கம் 2 படத்தில் சூர்யாவுக்கு ஜோடியாக அனுஷ்கா மற்றும் ஹன்சிகா நடித்து வருகின்றனர். இப்படத்துக்கு இசை தேவி ஸ்ரீ பிரசாத்.

இப்படத்துக்கான 3ம் கட்ட படப்பிடிப்பு தற்போது நிறைவு பெற்றுள்ளது. அடுத்த கட்டப்படப்பிடிப்பு கென்யா மற்றும் தான்சானியாவில் நடைபெற திட்டமிடப்பட்டுள்ளது. 4ம் கட்ட படப்பிடிப்புக்காக படக்குழுவினர் விரைவில் கென்யா பறக்க உள்ளனர்.