இது கதிர்வேலன் காதல் படப்பிடிப்பு துவக்கம்

உதயநிதி - நயன்தாரா ஜோடியாக நடிக்கும் இது கதிர்வேலன் காதல் திரைப்படத்துக்கான படப்பிடிப்பு நாளை சென்னையில் துவங்குகிறது.

சுந்தரபாண்டியன் படப் புகழ் எஸ்.ஆர். பிரபாகரன் இயக்கத்தில் உருவாகும் இப்படம் உதயநிதி ஸ்டாலினின் இரண்டாவது படமாகும்.

இப்படத்துக்கு ஹாரிஸ் ஜெயராஜ் இசையமைக்கிறார்.

படப்பிடிப்பு குறித்து மிகவும் டென்ஷனாகக் காணப்படுகிறார் உதயநிதி. ஏன் என்று கேட்டால், புது இயக்குநர், புது நடிகை என்பதால் சற்று பரபரப்பாக இருக்கிறது என்கிறார்.

ஆனால் இதையெல்லாம் விட, சந்தானம் மற்றும் சரண்யா பொன்வண்ணன் ஆகியோர் இப்படத்தில் நடிப்பது தனக்கு மிகப்பெரிய பலம் என்கிறார் உதயநிதி.